अनलाइन सिफारिस मार्फत नागरिकता वितरण सुरु
2081-10-06
2081-10-06
र्इलाका प्रशासन कार्यालय, बाँसगढी, बर्दियामा नवीनतम सूचना प्रविधिले फड्को मार्दै सवै वडा कार्यालयबाट मिति २०८१ पुष २१ गतेबाट अनलार्इन नागरिकता सिफारिस शुरु भएको छ ।
गृह मन्त्रालयले सबै वडा कार्यालयलार्इ नागरिकता सूचना व्यवस्थान प्रणाली (CIMS) मा पहुँच पुर्याउन सबै वडा सचिवलार्इ तालीम दिएपछि नागरिकताको अनलाइन सिफारिस शुरु भएको छ ।
नागरिकता सिफारिस अनलाइनबाट सिफारिस गर्दा जन्मदर्ता प्रमाणपत्र, शैक्षिक योग्यताको प्रमाणपत्र, बाबु, आमा, पतिको नागरिकता प्रमाणपत्र, बसार्इसरार्इ दर्ता प्रमाणपत्र, विवाहदर्ता प्रमाणपत्र लगाएतका कागजात वडा कार्यालयले स्क्यानिङ्ग गरी अनलाइन बाट पठाउने गरेका छन् । यसबाट नागरिकता वितरणमा नविन प्रविधिको प्रयोग, नागरिकता सिफारिसमा हुने त्रुटी सुधार र काममा छिटो छरितो भर्इ नागरिकता प्रमाणपत्र दिन सहज भएको छ ।